Pushimi për nëna dhe familja

Gratë, që janë të punësuara kanë zakonisht të drejtë pas lindjes të fëmijut për pushim me pagesë (Mutterschaftsurlaub | congé maternité ) prej 14 javësh. Në këtë kohë ju paguhet atyre zakonisht 80 përqind e pagës. Ato që nuk punojnë apo ato që janë të pa afta për punë duhet të shkojnë te kasa e kompensimit caktuar për sigurime si AHV në kantonin e Bernit (Ausgleichskasse des Kantons Bern | caisse de compensation du canton de Berne) dhe të njoftohen se a e gëzojnë edhe ato këtë të drejtë. Këtu ka rregulla speciale. Përgjatë tetë javët e para pas lindjes nënat nuk guxojnë të punojnë (mbrojtja e nënave).

Pushim me pagesë. Përkundër pushimit të lindjes për nëna pushimi për babatë është fleksibil: Njeriu mund përnjëherë apo me ditë ta shfrytëzoj pushimin. Kjo vlen mbrenda 6 mujorit të parë të lidjes të fëmijut.

Kush ka fëmijë, mbështetet financiarisht me shtesa të familjes (Familienzulagen | allocations familiales). Këto paguhen si shtesa për fëmijë deri në moshën 16 vjeçare dhe për të rinjë në arsimim deri në moshën 25 vjeçare. Të drejtë për këtë kanë prindërit, që punojnë (edhe të pavarurit), apo prindërt që nuk punojnë dhe kanë pak para. Te të punësuarit paguhen shtesat e fëmijëve në muaj me pagë. Informacione të tjera për shtesa të familjes japin punëdhënësit apo degët e komunave në institucionet e sigurimeve sociale. Shuma e shtesave të familjes është në kantone e ndryshme.